ආරක්‍ෂිත ගෘහ තුළ වගා කිරීම
බෝග වර්ධනයට අහිතකර වර්ෂාව සුළඟ වැනි තත්ත්වයන් මඟ හරවා ගැනීම සඳහා සකස් කරන ලද විශේෂ පොලිතීන් ගෘහ තුල එළවළු වගා කිරීම මේ යටතට ගැනේ.
වර්ෂාව නොකඩවා පවතින දේශගුණික තත්ත්වවල බලපෑමක් බෝගවලට ඇති නොවන නිසා වසරේ සෑම කාලයකම එළවළු වගා කිරීමේ හැකියාව ඇත. තවද එවැනි කාලවලදී එළවළු නිෂ්පාදනවලට වැඩි මිලක් ලබාගත හැකිය.
ආරක්‍ෂිත තත්ත්ව යටතේ වගා කරනු ලබන එළවළුවලට කෘමීන්ගෙන් හා රෝගවලින් ඇතිවෙන බලපෑම් අවම නිසා ගුණාත්මයෙන් ඉහළ ඒකාකාරී ඵලදාවක් ලබාගත හැකිය.
වල් මර්දනය, පළිබෝධ නාශක ඉසීම වැනි කටයුතු අවම බැවින් කම්කරු අවශ්‍යතාව සාපේක්‍ෂව අඩුය.
ආරක්‍ෂිත ගෘහ තුල බෝග සිටුවීමේදී බඳුන්වල පැළ සිටුවීම යෝග්‍ය වේ. පසෙහි සිටුවීමෙන් ජලවහනය පාලනය කිරීම අපහසුවන අතර බැක්ටීරියා හිටු මැරීමේ රෝගයට පාත‍්‍ර වුවහොත්, එම ක්‍ෂේත‍්‍රයේ පසක සොලනේසියේ කුලයට අයත් තක්කාලි වැනි බෝග වර්ග වගා කිරීමට හැකිය.
කළු පැහැති පොලිතීන් වලින් තනාගත් අඩියක් උස මලු හෝ ලීටර් 10 ක් පමණ ජලය පිරවිය හැකි ප්ලාස්ටික් බාල්දි යොදාගන්න. පොලිතීන් මලුවල පතුලට ආසන්නයේ පැති බිත්තිවල මි.මි. 10 ප‍්‍රමාණයේ විශ්කම්භයෙන් යුත් සිදුරු 6-10 ක් පමණ සාදා පහත සඳහන් අයුරින් බඳුන් පිරවිය යුතුය.
මේ සඳහා ජලයෙන් සෝදාගත් කොහුබත් සමඟ අඩක් දැවූ දහයියා හෝ ගල් කුඩු හෝ භාවිතා කළ හැකිය.
පොහොර යෙදීමේදී ගසට අවශෝෂණය කර ගැනීම සඳහා ජල ද්‍රව්‍යය පොහොර මිශ‍්‍රණය භාවිතා කෙරේ. ඒ සඳහා වෙළෙඳ පොලේ ඇති ඇල්බට් පොහොර මිශ‍්‍රණය යොදාගනියි. මේ මිශ‍්‍රණය ශාකයට අවශ්‍ය සියලුම පෝෂ්‍ය පදාර්ථ ලබාදෙයි. තවාන් තැටි හෝ හතරැස් කොටුවලට වෙන් කරන ලද ප්ලාස්ටික් තැටි ද භාවිතා කළ හැකිය.
මේ තැටිවලට ජලයෙන් සෝදාගත් කොහුබත් පුරවා ඉන්පසු බීජ දැමීම සිදුකළ හැකිය. පැළ තැටිවලින් ඉවත් කර ගැනීම පහසු වනු පිණිස තැටියේ කොටු හරහා සෙ.මී. 1/2 ක් පමණ පළල පොලිතින් පටි අසුරා ඒ මත කොහුබත් පුරවා ගත යුතුය.
පාලිත ගෘහ තුළ වගා කිරීමේදී එක් එක් ක‍්‍රම යොදාගනියි. මෙහිදී බෙල්පෙපර් ක‍්‍රමය ඉතාමත් වැදගත් වේ. සති 5-6 ක් පමණ වූ පසු මාධ්‍ය පිරවූ පොලිතින් බඳුන් වලට පැළ හඳුන්වා දෙන්න.
ශාක ඍජුව වර්ධනය වීමට ආධාරක සිටුවන්න. ශාකයේ අග‍්‍රය වී ආකාරයට පාර්ශ්වික අතු දෙකක් ඇති වන අයුරින් පුහුණු කිරීම සිදු කරන අතර ශාකයේ ප‍්‍රධාන කදේ ඇති පාර්ශ්වික ශාක සියල්ල හා ආලෝකය නොලැබෙන මේරූ පාදස්ථ පත‍්‍ර ද ඉවත් කරන්න.
ඵලවල පැහැය කොළ පැහැයේ සිට තැඹිලි පැහැයට හැරීම ආරම්භ වන අවධියේදී නෙළා ගැනීම වඩාත් යෝග්‍ය වේ.
පාලිත ගෘහ ඇතුළේ වගාකරන තක්කාලි තවාන් පැළ සති 4 ක් පමණ වයසින් වැඩුණු පසු පොලිතීන් බඳුන් වලට හඳුන්වා දෙන අතර සතියකට පමණ පසු ආධාරක සිටුවා තක්කාලි ශාක ඍජුව පවත්වා ගැනීමට උත්සහ දරන්න.
සලාද පිපිඤ්ඤ බීජ තවාන් දැමීමකින් තොරව ඍජුවම පොලිතීන් බෑග්වලට හඳුන්වාදීම සිදු කරන අතර සති දෙකක් පමණ පැළ වයසින් වැඩුණු පසු ගෘහයේ ඉහළ ආධාරකවල රැඳ වූ කම්බිවල ගැට ගැසූ නූල් මගින් ඉහළට වර්ධනය වීමට අවශ්‍ය ආධාර සැපයීම සිදුකරයි.
තවද තනි කඳක් ලෙසට වැල් පුහුණු කරන අතර පහළින් හට ගන්නා පාර්ශ්වික ශාක සියල්ල ඉවත් කරයි. පාදස්ථයේ සිට පත‍්‍ර 5 කට පහළින් වර්ධනය වන සියලුම පුෂ්ප පමණක් ඵල බවට පරිවර්තනය වීමට ඉඩ හරිනු ඇත.
No comments:
Post a Comment