පාප් වහන්සේ සැපත් වෙති
ලොව පුරා වෙසෙන කෝටි සංඛ්‍යාත කතෝලික බැතිමතුන්ගේ අසහාය ආගමික නායකයා වන අතිඋතුම් ෆ්‍රන්සිස්‌ පාප් වහන්සේ රැගත් විශේෂ ගුවන් යානය මින් ස්වල්ප මොහොතකට පෙර දිවයිනට සැපත් විය.
ජනාධිපති මෛත්‍රීපාල සිරිසේන මහතා කටුනායක බණ්ඩාරනායක ජාත්‍යන්තර ගුවන්තොටුපළ විශේෂ අමුත්තන්‍ගේ පර්යන්තයේදී උන්වහන්සේ රාජ්‍ය ගෞරව සහිතව පිළිගනු ලැබීය.
අනතුරුව ජනපතිවරයා විසින් උන්වහන්සේව රතු පලස මතින් විශේෂ පිඨිකාව වෙත කැඳවාගෙන එනු ලැබීය.
පාප්වහන්සේ හෙට පෙරවරු 9.00 ට ගාලුමුවදොර පිටියේදී විශේෂ දේව මෙහෙයක්‌ පවත්වනු ඇත. මෙම දේව මෙහෙයේදී ශුද්ධ වූ ජුසේවාස්‌ මුනිවරයාද ශුද්ධත්වයට පත්වනු ඇත. මෙම අවස්‌ථාවට ලොව ඉන්දියාවේ සිට 1200 ක බැතිමත්හු පිරිසක්‌ද සහභාගි වෙති.
අනතුරුව උන් වහන්සේ හෙට සවස 2.00 ට මඩු මාතා දේවස්‌ථානයේදී විශේෂ දේවමෙහෙයක්‌ පවත්වනු ඇත. මෙම දේව මෙහෙයට ලක්ෂ පහලොවක පමණ බැතිමතුන් පිරිසක්‌ සහභාගිවීමට නියමිතය.
පාප් වහන්සේගේ ශ්‍රී ලංකා සංචාරය නිමිත්තෙන් විශේෂ මුද්දර දෙකක්‌ සහ රුපියල් 500 සමරු කාසියක්‌ නිකුත් කිරීමට ද කටයුතු යොදා ඇති අතර එම සමරු මුද්දර අද අරලියගහ මැදුරේදී පාප් වහන්සේට පිරිනැමේ.
ශ්‍රී ලංකාවට පැමිණෙන තෙවැනි පාප්වහන්සේ ප්‍රැන්සිස්‌ පාප් වහන්සේයි.
උන්වහන්සේ කටුනායක සිට කොළඹට පැමිණෙන මග දෙපස විශේෂ ආරක්ෂාව යොදවා ඇත.
gossipකඩේ
gossipකඩේ
No comments:
Post a Comment