Apr 01, 2015
ලොව වයස්ගත ම පුද්ගලයා ලෙස සැලකුණු ජපානයේ Misao Okawa නමැති 117 හැවිරිදි කාන්තාව මිය ගොස් තිබේ.
ජපාන මාධ්‍ය වාර්තා කළේ, හෘදය අකර්මණ්‍ය වීම හේතුවෙන් ඇය අද අලුයම මිය ගිය බව ය.
ඇය ජපානයේ ඔසාකාහිදී උපත ලබා ඇත්තේ, 1898 වසරේ මාර්තු 5 වන දා ය.
ගිනස් ලෝක වාර්තා සංවිධානය විසින් ලොව වයස්ගත ම පුද්ගලයා ලෙස ඇය නම් කරනු ලැබුවේ, 2013 වසරේදී ය.
1919 වසරේදී යුකියෝ නමැත්තෙකු සමග ඇය විවාහ වී ඇති අතර ඔහු 1931 වසරේදී මිය ගොස් ඇත.
මුණුබුරන් 4 දෙනෙකු සහ මී මුණුබුරන් 6 දෙනෙකු දැකීමට තරම් Misao Okawa වාසනාවන්ත වූවා ය.
ඇය පසුගිය මාර්තු 5 වන දා සිය 117 වන උපන් දිනය සැමරුවේ මෙසේ ය.
No comments:
Post a Comment